DUDBUT'K'A

T'AMT'RAŞİ DİXAPEŞ COXOPE

Tarixişi magoşogore İlyas Karagoziş k’elen nok’orobe “Grek’i, Bizansi do mcveşi Turki odudepeşi tolite T’amt’raşi dixapeş coxope”, Gamaçkvale Deryaşi k’at’egoria nena-tarixişen 2006 3’anas T’amt’ras gamiçkvinu. İlyas Karagozik; tarixuri p’eriodis T’amt’ruli xalk’i do mit’ologias yulva uçazuğa coxoni ketabepeş k’ule T’amt’raşi dixapeş coxopeti gamontanups. Tarixuri dixapeşi coxope gamoxo3’onapaps. T’amt’raşi dixapeş coxope, tarixişi morgvalis T’amt’raşa dobargerepeşi nok’uçxenepe amdğaşa motirups. Antik’uri orapeşen amdğanerdğaşa adeta art tarixi do k’ult’uraşi noxokte T’amt’raşi milyonidomilyoni nok’uçxenişen misalepe go3’adumers.

Onomastik’i (coxope) do t’op’onomi (dixapeşi coxope) tarixi k’ala mzaxali ilmepe renan. Hemiti tarixişi unok’o3’k’e gamontanuşi no3’ilepe renan. Mtelot art tarixuri dixaş aidoba var o3’irapan mara aidobaşi nok’uçxenepe do namtinoraşi dobargalepeş tarixi, nena, k’ult’ura dç. gamoçkinu şeni beciti levhaşi xususoba uğunan. Mk’ulot, dixapeşi coxope tarixişa do geografiaşa go3’adgineri yali ren. T’amt’raşi Dixapeş Coxopekti Anatoliaşi tarixiş k’ut’alobaşa, mit’ologiuri orapeşen Pelasgi, Grek’i, P’ersi, Roma, Bizansi, Selçuk’ali, Osmanalişi devrepeşa do dobargalepeşa k’onari yali go3’adginups.

Numçinuşi nomera: 0462 326 85 90



                                                                                                                                                              TÜRKÇE