|
BEDİUZZAMAN SAİD KURDİ
Bediuzzaman Said Kurdi, 1876-s noğa Bitlisişi ilçe Hizanişi oput’e Nursis dibadu. Beroba muşis xolosi medresepes gamintanu. Goqvironi ç’k’ua do kuni muşişi sebebite 3’oxle Molla Saidi Meşhur yado içinu. Uk’ule “Oraşi harik’a” tkvaleri “Bediuzzaman” unvanite irişk’elen içinu. Mamgurobaşi 3’anapes temeli İslamuri ilmepeşi 90 ketabi oezberu. Antepeşen arteri k’arta seris xolo ik’itxupt’u. Am ojurupek K’uranişi ayetepe k’aixeşa oxo3’onapu do K’uranişi k’arta ayeti muç’o irkianas gont’aleri ren o3’irapu.
1900-oni 3’anapeşi geç’k’alas, yulvas Medresetuz Zehra coxoni, dinuri do fenuri ilmepe igurapen art İslamuri Universit’e gedgimu şeni dobadonaşi oktala do xilafet’işi şkaguri St’amp’olişa mextu. Skidala muşişi morgvalis am simada oxor3elu şeni icedelu. Kianuri maartani limaşi orapes yulvaşi cepes alayişi guroni k’umandanoba qu. Limas iyaralu do Rusias 2,5 3’ana esiri doskidu. 1917 3’anaşi Bolşevik’uri gektalaşi oxokteri xaliş doloxe imt’u. Uk’uniktuşi Genelk’urmayişi k’ontenjanite Osmanalişi irişen mağala dinuri muşavereşi şkaguri, Darul Hikmetil İslamiyes vazife aqu. İnglisepeşk’elen St’amp’olişa xegedvinuşi 3’anapes entepes nodgitu do Hutuvati Sitte coxoni art risale ç’aru. Anatoliaşi moçitinuşi limas numxvacu.
1925 3’anas Vanis gamantanuşi dulyape ikipt’uşi em orapes yeçkinderi Şeyx Saidişi yedgitaşi sebebite, am yedgitaşa nodgitu nati tedbiren 3’oxle Burdurişa do uk’ule İsparta do Barlaşa içvinu. Akonaşis ovro 3’ana dodgitu. Risalei Nur coxoni K’uranişi tefsiriş filapeşi didope ak ç’aru. Noç’arepe do simadape muşişi sebebite Eskişehirişi omtinaleşa incğonu. Çvineri K’astamonus noç’arepe muşişi oç’aruşa naqonu. 1943-s Denizlişi omtinaleşa, 1948-s Afyonişi omtinaleşa incğonu. Omtinupe muşi oxoşkvinute içodu. 1950-s dido p’art’ialuri goşo3xunape geoç’k’uşi dinuri hak’epe do oxoşkverobape imçiranu. Bediuzzamanik, am orapes noç’arepe muşi gamoçkvapu. Bediuzzaman Said Kurdi, 23 Mirk’ani 1960-s Ellaşi raxmet’işa nunç’uşu.
|
TÜRKÇE
