|
ARMİAŞİ NENA URDULİ
Urduli (اردو) Hindu-Avrop’a nenaluri ocaxişi Hindu-İrani nenapeşi grup’işa do Hindustanuri xanç’alişa mek’ireli ren. Pakistanişi resimuri nena do Hindistanişi resimuri nenapeşen ren. Hinduri nenaşa dido nungaps mara bilasa Hindistanişi olandeş k’ele dobargeri Muslimanepe dido na skidunan sotepes iğarğalen. Urduli nena, Turkepeşi Hindistaniş fethiş k’ule em mintik’aş maxaluri nenape k’ala Muslimani askerepeş k’elen noğarğale Farsuli, Arabuli do Turkuli nenapeşi oxoktinute yeçkindu. Namtinoras Orduca yadoti icoxinen do armiaşi nena tkvala ren. Urduli nena, kianaşi çkvaneri dobadonapes oşdooşi milyoni k’oçiş k’elen iğarğalen.
Urduli; Turkuli, Moğoluri, Farsuli, Sansk’rituri, Arabuli, Hinduri nenapeşi oxokta ren. Gazneli Mahmutişi Hindistaniş tudeni mintik’aş ofethute akonaşis moxtimeri Turki askerepeş sotinuri xalk’i k’ala oxoktinute yeçkindu do dido Turkuli zit’ape Urduli nenaşa ant’alu. Urduli nenas dido basiti grameri uğun mara boncapeşi ok’onç’inu hemi yani k’ele do hemiti tude k’ele ixvenen şeni zori igurinen. İslamuri kianaşi beciti tasavufiş k’lasik’epe am nenate iç’arineren. Urduli, oş3’anurapeşen doni Pakistanis do Hindistanis ç’aralobaşi do k’ult’uraşi nena yado ixmarineren do am nenate uk’oro3xe noç’are iç’arineren. Urduli nenas 52 bonconi alboni uğun. Urduli nena, Arabuli albonite iç’arinen mara ağani Urduli boncapeti int’alineren.
|
TÜRKÇE
