|
KURDEPE SOMERİŞA?
Mailahiyate sosiologi Ali Bulaçiş k’elen ç’areli “Kurdepe Somerişa?” coxoni ketabi, Çira gamaçkvaleşi simaduri seriaşen 2010 3’anaşi Pukrik’aşi tutas St’amp’olis gamiçkvinu. Ketabişi gen3’uranu do k’ilifişi dizaini Bahadir Karahanik, edisioni Attila Fikri Ergunik qu. Ketabi; Mamiletobape, Temeluri o3’k’omilu, Tarixuri uk’up’lani do oşkari anderi, Sosialuri do iktisaduri xali, Cemieti minoba do moxtanora, PKK do Apo, Dinişi fakt’ori, İslamuri p’ersp’ekt’ivişen Kurdepeşi mesele, Olande İrak’is art federaluri Kurdi oxen3ale, Kurdepeşi siaseti do magoşo3xunepe, Kurdepeşi revizioni, Kurdepeşi mesele muşeni var içodinu?, Mozaik’i vana k’ubbe?, Darul İslami: oşkari oxori çkini coxoni filapeşen 3’opxun.
Ketabişi k’ap’ulaşi k’ilifis antepe noç’ars: “Kurdepeşi şilyadoşilya 3’anaşen doni dobargeri dixa, oşkeyulva do İslamuri kianaşi guri tkvala ren. Turkia, Suria, İrak’i do İranişa gont’aleri do tak’ribi 25 milyoni maxoroba mutepeşite am xalk’is k’arta dobadonas meselepe omç’unan. Meselek hemi İrak’i do İranis hemiti Turkias ginz’e oraloni do gont’aleri k’abğapeşa nusebebu do am k’abğapes vitşilyapete k’oçi doğuru. Surialuri Kurdepesti didi meselepe omç’unan do am tema uçkineri var miğunan. 1984-2010 3’anapeşi oşkes arxvala Turkias tak’ribi 50 şilya k’oçiş oğuruk, muperi didi mesele momç’unanşi oxo3’onapus kodibağun. Edoxolo milyarepete dolari ixarcu, iktisaduri do k’oçinuri xali dip’at’u do maxorobaluri sist’emi kogoşibğu. Meseleşi becitoba antepeteti var içoden. Turkias am k’abğa naqonaşi do var içodinaşi siviluri siaseti, askeruli vesaetişen do ant’idemok’rat’iuri ont’aluşen var muçitun. Kurdepeşi mesele siasetiş galeni mencelepeşi siviluri siaseteşi ont’aluşi irişen moxva tema ren do tesironi enst’rumani yado ixmarinen. Kurdepeşi dixa, İslamuri kianaşi asluri do tabiuri no3’ile ren do Kurdepeti ummeti İslamişi art k’avmi vana xalk’i ren. Meselek, umumuro İslamuri kianas do xususuro mintik’aşi xalk’epes, mutepeşi idrak’is k’ap’eti goktala yoçkindinaps do ağani art kiana geidginert’aşi k’artayi, oşkari şuuri do oşkari idealiş gomorgvas ok’onç’inaps. Kianuri seviyeşi k’onari mintik’aluri seviyesti k’ut’ali art goktala iqven. Egere Turkepe do Kurdepe, Arabepe do Farsepe, Ç’erk’ezepe do Arnavudepe-Boşnak’epe, Berberepe do Peştunepe dç. xalk’epek am goktalaşi esasi k’ai oxo3’ones na, tarixişa magedgine mak’aturepe yado niç’arasunonan”.
Numçinuşi nomera: 0212 635 99 19
|
TÜRKÇE
