K'RİMA KİANA Ar p’ula moxtasen, Çona ç’areli amt’asen, Muç’ote haşo iyasen? İri k’ale gurgulasen, Ç’ima toç’i iyasen, Mcora mexroskasen, İxepe ncape e3asen, Mturi goink’orasen, Haku p’eyat’oba iyasen, Parta galenişi cinziru! Miti yoxo var codvay, K’ayoba mona gok’u3xur... Mutxanepe bz’iramtu, Bit’urt gobintavert’u! Ham muperi ontavun? Şuri var mebaşkumt’u... Ç’umanişi gobk’u3xatsi, Mcora var eşk’axtasi, Ndğa do seri int’alasi, Mi p’ici dolobo3’edaten, Montalepe mu bu3’vaten? Muç’opete ekamçanen? Ar k’aleti meyomçanan! Him kiana şku mu p’aten...   © 2009 kolkhoba.org