LAZONA DİDO GOMAU Ma mp'ula dobiyik’o bida do Dutxe kodolobincirat'u Ma mp'ula dobiyik’o bida do İsina Rak’ani kogobak’orat'u Ma mp'ula dobiyik’o bida do ngola kogobatvat'u Ma mp'ula dobiyik’o bida do Lazona kogobak’orat'u Ma mç'ima dobiyik’o k’ata ndğa Lazona va mç'imat'u Ma mç'ima dobiyik’o na dvaç'in şik’u mç'imat'u oput’e şkimi Ma mç'ima dobiyik’o çayepe, 3'iprepe, txombupe cebomç'imat'u Ma mç'ima dobiyik’o umç'imeli va mebaşkvat'u oput’e şkimi Ma ixi dobiyik’o oput’e şkimişi mp'ulape mebobara ebon3vinat'u Ma ixi dobiyik’o mapxape, oput’e şkimişi ngolape pskudat'u Ma ixi dobiyik’o stveli moxt'asi, Lazona mebaşkva bigzalat'u Ma ixi dobiyik’o Lazonaşi oserinu şeni bidulyarat'u Ma k’inçi dobiyik’o putxineri mendaftat'u Lazonaşa Ma k’inçi dobiyik’o putxineri mendaftat'u Dutxeşa Ma k’inçi dobiyana putxineri bidare 3'iprikçeşişa Ma sifteri dobiyana putxineri bidare ngolaşa Ma mcora biyare do Lazona gobomcorare Ma mcora biyare do ngolape mebomcorare Ma mcora biyare do İsina, Zirzeni cebomcorare Ma mcora biyare do Lazona şeni pskudare Ma tuta biyare do ndğa do ndğa otanare Ma tuta biyare do m3'upi orape ptanare Ma tuta biyare do dotanaşa ptanare Ma tuta biyare do Lazona gobotanare Ma abca biyare do Lazona pçaşxalare Ma abca biyare do Lazona pşiyare Ma abca biyare do mşxomepe cebonz’irare Şku abca biyaten, Uçazuğa ok’obik’orobaten K’inçepe obğenişi va gvoçondrunan, gigtenan Şkuti gobigtaten obğe şkunişa nananena şeni Ma mamuli biyare do ordo ordo p’k’riyare Ğura ncirişa gobok’u3xinare oput’e şkimi Domaxena na, e şana şkimi, ma xeleri bğurare 15.04.2009   © 2009 kolkhoba.org