DİDİ ABCA

Dutxeşi didi abca
İrote na çaşxalams
Guri dolomi3’edi
Skani şeni patxalams

Abca akra poğari
Nculi si gogağari
Na ginç’ari kart’ali
P’ri k’itxisi moy xari

Ela nculi mecişa
Tude abca p’icişa
Xe skanişa a opşva
3’aleni poğarişa

En3vi e mp’ula en3vi
Aşkva hako mo mulur
Ma xazi va mayeren
Şkimisuzi na gulur

En3vi e mp’ula en3vi
Mele meyop3’edare
Miti miti mo no3’er
Si ma memo3’edare

En3vi e mp’ula en3vi
Çoyi dolop3’edare
Kçe mandili kocitvi
Ma si ek’ak’3’edare

Ma abcaşa cebulur
Mextana giyondrare
Andğati va moxta na
Dobxeda bibgarare

20.05.1991

 
© 2009 kolkhoba.org