LEBA MO GAYET'AS
Çayi kva elap’t’axi
Ma guri moy mit’axi?
Si hiko do ma hako
Vaboreti cunaxi ?
Andğati domilumcu
K’iyaman mamulepe
P’ot’e va gomoç’ondrun
Eveluri ndğalepe
Livadişa mendit’i
Ti k’azi gok’oreri
Oxorişa gigtet’i
T’ik’ina mobumeri
Ma isinaşa bulur
Nculi kelemak’atu
Ak’u 3’oxlo na ore
Ğormoti mu gik’atu?
Ğoma na leba gavu
Nana skani bejğuyi?
Him mskvalina tolepe
Ğormoti si mekçuyi ?
Nculi leşkepe skani
Nez’i t’ut’uli steri
Moxti kogomak’ori
Muç’o 3’i3’ila steri
Ma skani oropate
Omç’opu obgarinu
Bo ak’u msvalik’ina
Bo si mi dogorinu ?
13.03.1998
| 