MİŞA İMT'ER?
Si dido megamskvanen
Him sari porça skani
Ğormoti na ezdasen
P’eati nana skani
Livadepe na gulur
İrote t’rağuderi
Şkimi munde iyare?
Be yoxo gondineri
Ma bulur livadişa
Siti kekemauni
Ma noğaşa ceftare
Siti kocemauni
Noğaşa maunana
Rak’ani domiondri
Dido xazi maxenu
Ğoma na 3’opxi xavla
Be bozo mişa imt’er
P’ici e3’ak’oreri
İk’u na megamskvanen
Fot’a ko3’ak’oreri
11.05.1992
| 