K'OLXEPUNA

K’olxepuna Ğormotişen xvameri,
Cennetis mengaperi dixa ren,
Mskvanoba do şuronoba çameri,
Mskvanoba do şuronobaş cixa ren.

Dixa muşi, з’k’ari muşi, nзa muşi,
Oho, loqa, muç’o buz’i nanaşi,
Mjora tanups am kianaş, amuşi,
Ambar mumers ťorocis getanaşi.

İsťoria - namtin uça, namtin xçe,
Gergezepe Ğormotişa gzaleri;
Nana çkini - Margaliş do Lazişi,
İzmoce ren çkimi seri, dğaleri.

Biç’i skani do k’ulani - meleki,
Dixa skani Ğormotişi xura ren,
Ginon viqva mole, ginon meleti,
Dobğuraşi skani şeni bğurare!

 
© 2009 kolkhoba.org