QVARİ DO K'AK'ALİ Zoğaş kvanç’alapunas, Qvarik k’ak’ali koz’iru. Mara a3’i muç’o t’axas, Şvela muşi muç’o z’iru. Z’angups z’angups do var t’roxun, Dişumen met’k’omers mendulun Ar mağala ncaşa putxun Do emuş qas gelaxedun K’erk’et’a t’eren k’ak’ali Var t’eren çkimda halali, K’ai t’uk’on çkvak kezdipt’u Mitik var minç’inapt’u, Mara am dulyas na o3’k’en, Arçkva badi qvari koren. K’ak’alişa mextu, kezdu, Saebi dvaqu k’ak’alis Hemti m3ika çkineri ren Kezdu k’ak’ali manişa E3’aputxu m3ika 3aşa. Met’k’oçu kvanç’alanupaşa, K’ak’ali ok’ot’roxuşi Gyoç’k’u oç’k’omus emuşi Majura qvarik z’iruşi, Çkimi ren ya u3’u qvaris, Skanden 3’oxle bz’iri çais Badi qvarikti u3’umers: Si var gat’axu, met’k’oçi, A3’i t’axeri z’irişi, mi3’umer: Çkimi ren, komomçi. Si gondini ha k’ak’ali, Aya çkimda ren halali. Na diguri marifeti, K’ak’alişen ren paxali. Na dogoguri nosişa Var ğirs-i skani k’ak’ali İdi gori do manişa Koz’iri arçkva k’ak’ali Ot’axu na kodiguri Çkva si çkamu re bunduri. Xopa, 1927   © 2006 kolkhoba.org