MOLENİ LAZİ

Mele si eşi gixvenes k’azi
Ar koxo3’onapi mi voret Lazi
Mo gelamiçapt’an çkin mcveşi sazi
Ot’eli skani moleni Lazi

Laşari dvağodes mtel faşistepes
İktes inç’imoşes çkin komemoles
Eşepe çkini cengişa kezdes
Varşa ek’askida moleni Lazi

Mo egzdipt’an idi si skanebura
Rusi cuma k’ala siti tkvi ğura
Dibadasen ç’ume p’ap’edaş mjora
Vixalaten irik moleni Lazi

P’ost’i muşis renşa didi Stalini
Var go3’vağen mitis ha dixa çkini
K’remlis tanut’aşa he mjora çkini
3’ori ren, çkini ren p’ap’eda, çkini

Batumi, 1942

 
© 2006 kolkhoba.org