SARPİ MOLENİ

Sarpi çkinis bulbulepek ibiran
Mis var uz’irun Sarpi moxtan z’iran
Port’uk’aliş limoniş pukirişi
Şurapeş doloxe goxtan do iz’ğan

Sarpi moleni, Sarpi moleni
Pukinoras skani şuras k’oçi diz’ğen-i?
K’olektivis na var ixels miti diqven-i?

Elamtepes mitam k’oçis uz’i3ams
Hak bulbulik pukinoras ubirams
Çaip’icis dostiberen zoğa cans
Pukirepeş şuraten ar ixi bars

Sarpi moleni, Sarpi moleni
Pukinoras skani şuras k’oçi diz’ğen-i?
K’olektivis na var ixels miti diqven-i?

K’ulanepek ağne çai 3’ilupan
3’ilupan do Lazuriti ibiran
Ncaşen ncaşa k’vinçepe goputxunan
Ha k’olmanis kva do ncakti ixelan

Sarpi moleni, Sarpi moleni
Pukinoras skani şuras k’oçi diz’ğeni?
K’olektivis na var ixels miti diqven-i?

Komevaç’vi he Sarpuli k’ulanis
Ma ar fara eya bz’iri do çais
Mskvana muşi muk’oti om3kva na ğirs
Mendralaşen ma Lazuri gemabirs

Sarpi moleni, Sarpi moleni
Pukinoras skani şuras k’oçi diz’ğen-i?
K’olektivis na var ixels miti diqven-i?

Si ma domç’vi e veraneş k’ulani
Daçxiri ren uça tolepe skani
Si gz’iraşi mu mağoden var miçkin
Mot memilams xe do k’uçxes dermani

Sarpi moleni, Sarpi moleni
Pukinoras skani şuras k’oçi diz’ğen-i?
K’olektivis na var ixels miti diqven-i?

 
© 2006 kolkhoba.org