MŞKİRİDONİ K’aobaten mşkiridoni Na kçumert’it koxo3’oni Goputxi, ç’opi k’orğoni Mo vort’at miti xçeoni Qinvaş tutapes si var t’i So goputxi p’ia sort’i Mute skidi mu imxort’i Vaşa soti ugyare rt’i. Si pa3xa var ok’ogixvit Moxtare yado si dokçvit Gonç’eleri komomixtit K’ai qvi haşo na moxelit Xolo pa3xa oşenare Ağne motape ordare Var mşunt’aşi gondunare Qinvas pa3xa memişkvare Baba çkimiş yeri Faşi Eya mulun si moxtaşi Uk’unikten si idaşi Heti mulun var mşunt’aşi Kimi Faşis kimi Tunas İçalişeps nak’o tutas Derdi çkinik seri var cans Qinva şeni para mogaps K’ata 3’anas ok’ovi3’k’et Ma do nanak eya pçumert Ser ndğaleri gzapes vi3’k’ert Komoxtaşi viraxat’et Soxumi, 1936   © 2006 kolkhoba.org