BİÇ'İ DO BOZO Biç’i: Eşulun ağne mjora, Var mayanan çaişa, Va ren onciruş ora, E dalepe manişa! Bozo: Si mele mot geladgir? Uça biç’i, vigzalat! Tirit k’alatepeten, Çkin mani-mani p’3’ilat. Biç’i: Limci k’lubis ok’optat Do Lazuri vibirat, Z’i3iner-xeleberi, Mtel k’olmanik vixelat! Bozo: Tolis mo3’k’er, miz’i3ap, Biç’i, mu giğun guris? Vaşa soti iç’vet’a, Qoropaşi daçxiris. Biç’i: Konagnişi, dogi3’va, Moro, ma na momç’unpe, Ser-ndğaleri malanden, Skani uça tolepe. Bozo: Var megocan, e biç’i, M3udişi mo gomoqop M3ika madulye va re, Giçkit’as, si var goqop! Biç’i: Si Lazuri mibiri, Muç’o dulya p’a, z’iri, Mtel skani osimadus Seri var miğun nciri. Bozo: Mot isimadep dido, Varşa omt’ina t’vini, Var megomskun, e biç’i, M3udişi guriş ç’vini. Artot: Mis nomskun osimadu Ha pukrinoraş tutas! Çkin var vixelat do Moro, çkva mik ixelas!   © 2006 kolkhoba.org