ÇKİNEBUROBA

Mcveş ambari gi3’vitk’o na,
Muç’o p’qoperet, muperi,
Sum t’qubi cuma skidut’u:
Şoni, K’olxi do İberi.
Dido limas di3xir dobes,
Dido ok’uxves ğoberi,
Mara ti doişletines
Cumaloba memskvaneri.
Gomabğet’es iri mt’eri:
Mtuti, meli, mk’yapu, mgeri,
İri p’3’opxit nomçkva-mt’veri,
Var aktires çkini peri.
Muşeni i3adebut’es,
P’ap’ulepe çkini ç’k’veri?
Entepek kadomi3’opxes
Artoba mskva do xvameri...
Uk’açxe dulya yimğiru,
Dopskidit bedigoç’veri
Cumalepe omendranes
Galeni do o3xesteri.
Gemidgit’es m3’k’upi seri,
Cumas gyodves manz’ageri,
Govit’it gurimeç’veri
Çxamoni nz’i ge3oneri...
A3’i dğa mulun taneri,
Mojamatvan 3a gon3veri,
Artot viqvert xolo mteli
Uğut’u, ok’ok’ateri...

22 Mart’i 2002

 
© 2006 kolkhoba.org