OROPA Muperi t’ani giğun, Gyuli 3’i3’ila rei? İris nena na meçam, Şa ok’i3’ilarei? Gyuli, mod gemigondi? Ma mutu var goğodi; Si ipti gz’irişk’ule Hem oras domoğodi. Oropa p’at’i mutxa Mitisti mo naç’aras; Ma guri kok’oma3’k’u, Ar gomi3’k’edi yaras! Ozmonu ozmonuten Domağodu marazi, Miti megabre va ren, İr domavu garazi. Muslimani va rei? Ar guris komemiç’vi! Muşeni gogoç’k’ondu, 3’k’arik’ala na mi3’vi? Memişvelit, mu iven, Ham dulya çkimi divas; İllaki ekç’opare, Unt’as k’yameti moxtas! İriş dulya divu do Çkimi muşen var iven? Gyuli, komoxti çkimde, Goxve3’ebu, mu iven!   © 2009 kolkhoba.org