LAZURİ GEBİRA Biç’i, saaz na osteram, Juroşi 3’anas skidi! Skani gurişi ç’andinak Derd domixenu didi. E cuma kemençeci, Ma k’3’opxare zengini, Mskva bozopeşi ortas Kogelemiç’andini! Birapa ha3’i gi3’vare, Guri skani giç’vasen, Birapa çkimik k’arfi ster Ğocis megoç’k’adasen. Gecginaşi obirus Ma mencelon va bore. Ama na ren, xol gi3’va: Ti giğun mboşi ore. Birapa ha3’i gi3’vare, Uc gon3’k’i, gagnapinas! Birapa çkimik k’inçi ster Hakolen gok’ap’inas! Ma si dido fara gi3’vi Do ha3’iti gi3’umer: K’oçis si hiç va nugam, Re goşuver kotume! E mcveş bira gecginaşi Si başkapes ubiri, Si hak ağan birapaten Ğnosi skan komo3’iri! Ha3’ orz’os na gepxester Let’as goşobilat’i Do e skani nenape K’o p’ot’es va bognat’i! İyyagvali bibirom, Pukur steri pukurom, Ma na gemocginasen, Soti miti va bz’irom. K’amak muşen va k’vatums, P’eya nuk’u mabğui? Bozo skan mot va ibirs, K’ibirep kodabğui?   © 2008 kolkhoba.org