MEGABROBA Megabroba - henni k’ai, mu uğun k’oçis! Megabroba iriş ar ren, bozo do biç’iş; Mişi guri megabreşen ren gon3’k’imeri, Hemus ndğaster az’irasen hen m3’k’upi seri. Çku megabres ir komepçamt, mepçamt çkun guri, Hemk’ata ren çkun adeti, çkun Lazeburi. Megabrek derd dogi3’vaşi, gverdi doskidun, Maxa mutu dogi3’vaşi, hiç va moskidun, Didi derdi diven gverdi, maxa-jur maxa. Mik a biras usiminu, let’as k’oçi t’as, N3aşa kodolu na, hekti k’inçi ster ivas! Gzapes goxti k’aobaten, mitis va nağa, 3’k’aris kodololaşiti, divi k’almaxa! Ha birapa na go3’irams, ren çkim megabre, Lazi, p’ici mo gondinam, muç’o Laz na re!   © 2008 kolkhoba.org