SKANİ ŞENİ Skani şeni nak’o bibiri! Na bibiriş, mutu va bz’iri. Skani şeni gur çkim iç’vet’u, Çkim irxolo skani şeni t’u. Çkim birapa skanda var idu, Gzaşi gverdis kogelaskidu. Met’i p’ot’es skande var alen, Na bibirti, mboşi mabiren. Oroperi, met’i va gz’irom, Duşmanepeti çkva va p’ilom. Ha zindanis moğurinaman, Mjoraşi te var mo3’iraman. İbgari si, çkim oroperi, Gemabgari, bort’aş ğureri! Ndğa diçodu, mjorak moylapu, Sağ bort’aşak mot gamitxvapu! Dobğuraşi, muntxa ginon, vi, Va bğuri na, gamaptaşak mçvi!   © 2008 kolkhoba.org