İSKENDERİ 3'İT'AŞİ Sumeneç 3’ana 3’oxle ar bere dibaduşi, Beres coxo kogyodves: “Supara Ok’itxuşi”, Bereş bedi goç’vei mamç’aru baba muşi, Doğuruşk’ule irdu İskenderi 3’it’aşi. Emuteli xeleba k’aoba vamiğunan, Namiç’ares supara k’artais komiğunan, Namixvenes dulyape p’ot’es domibağunan, Lazepeş didi k’oçi İskenderi 3’it’aşi. Guris memaparpalen emuş coxo vognaşi, Tis nosi mendamixteps iya gomaşinaşi, Emustei mjora do tuta maroşinaşi, Muç’oşi noskirines İskenderi 3’it’aşi. Namiç’ares alboni nena çkiniş bandara, Guris daçxiri migzun vameskiun pangara, Dido mendra doskidu mundeşa mevamgara, Nosis vamoşamixteps İskenderi 3’it’aşi. Nadomidves temeli Lazepeşi nenaşi, Vart’asna kago3’astun 3’alami kianaşi, İya çkar vagoç’k’ondun nena çkini kort’aşi, En didi İskenderi, İskenderi 3’it’aşi. 18.08.1994   © 2006 kolkhoba.org