ÇKİMİ STEİ SO Z'İROP Komoxti şurimşine, Limcişk’ule mjora rak’anis golvaktaşi. Eç 3’ana ren elapxer do si kçumer, Komoxti gyuli çkimi, N3as muru3xi tuta k’ala kextaşi. Vamoxtina si p’ot’es vaixelep, Ma uskaneli do gemzuli kovort’aşi. Uğnose nana skani kva do ncaten matxozen. Oxtimuş gzape bgorup, Si gomanç’ela do mas kanda mevit’aşi. Unk’ap’i do komoxti şurimşine. Varna mutus vairgun xe k’uçxes kameblaşi. Komiçkin şuri çkimi, Çkar mutu navamiğun. Ma mutu mu p’aminon skani k’ala vort’aşi. Metireli k’uçxeten si yuki çkamu gaqve, Baba skaniş mulki do arabas gepxedaşi. Komiçkin dovibadi, Ar ç’it’a z’abuniti kovore, Mara si gomaşine tis nosi momixtaşi. K’ap’ula vamemikta, Ti k’ep’a, korba guda, k’uçxepeti t’et’eli, K’ibiri do tomati dobğei komz’iraşi. Ar xe k’ala ar toliti vamiğunna mu iqven, Si çkimi guri şeni ç’ami stei kort’aşi. Ar toliti vaminon, Xe k’uçxeti domaqve eşo dido gint’aşi. Çkimi stei so z’irop şurimşine, Xelebaten didele si çkimda komoxtaşi. 21.06.1994   © 2006 kolkhoba.org