TU ŞKURNA GALE..! Beregemşkidale Tu şkurna gale..! On3’elişen gale Bunduri dom3’opxes k’oçiş mendrale kale! Tu..! tu..! tu..! tu..! tu şkurna gale..! Do cini do peri ç’ink’a, duu ganga! İrişi şkurina komiğun p’anda Kçink’ok’ari Gamağuras ti skani Şkurnate dobik’ok’ari Kal mun ort’u min ort’u So rt’u! Sole golaxtu Çkimden didi ren-i! Vana 3’ut’a Var mema3’ilu uşkurinu Ar xit’ip’i danz’on şuk’a Skan ustune didamangisa Tu..! tu..! tu..! tu..! tu şkurna gale..! Kale! Tu şkurna gale..! Mu şkurna berepe, muş şkurna gale..! Sap’u, k’ibori Seri do ndğaleri k’ap’k’ap’i bgori Elluğun kyori, eluği do tori Oxor gomtumani oç’vetela Mtelli galenepeş sufra Si… Var donç’k’valişa vaşa ğocis nopsi Tu şkurna gale..! Komşuns komşuns moro mu şkurna gale..! Do cini do peri ç’ink’a, duu ganga! Go3’imt’it çkva! Oç’vetelas dopsum handğa Madogureş xepe Aris svara do cipi, majuras ç’epxe Ha3’i cumadobasti xolo emk’utinei kopxe Çkvaşenti, çkvaşen nuk’u biguri İr dulya ç’epxete dobiguri. P’anda nuk’u biçume İr şeyi na miğunk’o nosite gobiçume. Cop’i, t’op’i, falak’a Geç’ei do meç’ei İnzibat’i, polusi K’udel xirxiti, ti mangana K’omonisi, anapşit’i, t’it’i… Gamağuraz ti skani t’it’i Tu..! tu..! tu..! tu..! tu şkurna gale..! Guriz şkurna k’ap’inei Emk’utineri mupe muperi Hemuşeni bore-i p’eya berepe Kuni purperi!? Tu şkurna gale..! Kale tu şkurna gale İr dulyas hekole iris mendrale Ok’enk’eles golomosvarat nati Oç’vetelas elemosvarat nati Nuk’us p’ip’ei golomisvaaaat nati Şuri çkimi şinaxumt na a sontxas Gyacinit so ar şvacis kogamaxtas Geç’ei do meç’ei Tu şkurna gale..! Mu şkurna berepe muş şkurna gale..! Do cini do peri ç’ink’a, duu ganga! İrişi şkurina gobixvi handğa. 18 Zemperi 2006   © 2009 kolkhoba.org