UÇ'ANDU 3'ANAPE
E uç’andu 3’anape komomçit berobaşi
Mogaşenan ndğalepe berobaş sterobaşi
Duğuni do ç’andate nana çkimiş ubaşi
Moni steri disvarit guriz dolomisvarit
Pimpili domişatxit mağala ndğalepe t’u
Sort’it sole moşaxtit gobgori soti var t’u
Giç’andit var giç’andit hakşa na t’u m3udi t’u
Moxtit mu golisvarit toliş danz’i domavit
Uç’andu komoxtit do ser ndğaleri mxirit-i
Xe xva gomit’axit do ar oraz var incirt-i
Guri domit’axit do ti dudiz purçuma do
İbgarit mot ibgarit inç’iri domiçanit
Ha3’i kianaz şep’a mendiyonit dayiti
Okro t’uk’onti mu p’a cumadi p’ap’uliti
Tolepe çkimi t’oba kart’ali ginç’arit-i
Xepe kelemisvarit moxtit mu golisvarit
| 