ÇXİRA Tolik mipatkalu Ucik mi3’iru mara Doptkvi dort’un sum fara ‘duşmanepeş ğura’ P’eya hemindoraz gibont’es-i T’u3a 3’k’arite t’anis xura Seriş gverdiz coğorepek m3’k’uminez Mu gamağurez Lep’ri lep’ri oxoriş gomtumani Nuk’u dokaçez do emtumani Hemindoraz meçamt’i-i şuri Hemindoraz dogidgitu-i K’oçoba şeni na gipatkalamt’u guri Hemindoraz megiskiru-i te Hemindoraz oxuşkvi-i oropa skanişi xe Ar ç’vetela 3’k’ari şeni çaylağiş çxira Ar ç’vetela oropa şeni. Germak geç’k’adu k’ibirepe Lazonaşen Megrelyaşa dinçvalu zuğaşi berepe Tolepe gelanderi, ucepe ndura Ar ç’vetela oropa şeni gyulunan viya Viyaaaaaaaaaaa…! Haşo ivu Kyazimi skani ğura Si ğuri şk’ule dibadi e bere Mxucepeş jindole golaxti P’anç’oli k’ele Nak’o k’oçik gzas mekçu, nak’o dido nak’o uvrili Ar ç’vetela oropaz ot’k’va3ini si, oropaşi Çernobili Tolepe çilambri, ucepe ndura Haşo ivu Kyazimi skani ğura do skidala Mupe ivu muperepe ivasen Oropa skani, çkva germa dut’alu çkva rak’ani Nani Kyazimi nani çxira skani Abca divu Lazonaş toliz Zuğauça moilu, si golinciri şa verane P’anç’oliz. 30 Mbulora 2005   © 2009 kolkhoba.org