VİYA

Moxtit berepe moxtit
Dogibağez na goxtit
Mzoğa ixik dontalu
Mtelli popoci mpalu
Siya berepe siya / Aha mot’roxun viya
Siya siya ha siya / Siya siya do siya
Dalgapez extit gextit
Mzoğauçaz isterit
Muturi nçxomi steri
Mo3’uk’ap’it nisterit
Siya biç’epe siya / Aha mot’roxun viya
Siya siya do siya / Siya siya ha siya
Dalga didi mot’roxun
Galendo kvalepuna
K’oçi kvaz koxot’roxun
Haya varna k’ap’ula
Siya k’ulanep siya / Aha mot’roxun viya
Siya siya do siya / Siya siya ha siya
Viya mzoğa moxtaşa
Mebusiyat mayişi
3’k’artoliş 3’k’ai stei
Xura mzoğa 3’k’aişi
Siya berepe siya / Aha mot’roxun viya
Siya siya do siya / Siya siya ha siya
Gamink’orit biç’epe
Dogibağez, na goxtit
Haya varna majura
Aha mot’roxun viya

Viya berepe viya
Aha mot’roxun viya
Viya biç’epe viya
Aha mot’roxun viya
Viya k’ulani viya
Aha mot’roxun viya
Viyaaaaaa....! ahhaaa…

 
© 2009 kolkhoba.org