LAZONAŞİ BİRAPA Lazona çkimi bgorupt’i, var bz’iri kort’u mpuleri Guri yepşeri vimgart’i, Lazona si soti re i? K’un3xis pukiri kobz’iri, xvala xvala yextimeri Mepti do tamo dobk’itxi, Lazona çkimi si re i? Pukiri koxuink’anu oncğoraliti kagyoktu Ma vore skani Lazona, mgarineri komemotku Guri yepşeri k’vinçina, but’k’apes na dompuleri T’k’obaşa tamo dobk’itxi, çkimi Lazona si re i? Uxipa3xalu k’vinçina, msvalepe muşi kogontxu Ti pukiris konodu do, ho ç’ik’ ç’ik’iten memotku Komevodgiti elamtis pukiriten do3’ipxeri Şuri guriten dobk’itxi, çkimi Lazona si re i? Rak’anepeşa mek’apti, mç’ubur 3’ipuris ncaroni Xelebaten na kemopşu, çkimi Lazona ko oni? Mzoğap’icişa gelapti, kvanç’ala çxat’un dobğeri Mzoğa xçe kyopuğepeten, memaç’apxen ç’eleri Ma çkvati soti var vulur, var minon çkvaşi oz’iru Zoğak, mtik, pukirk, k’vinçepek, Lazona çkimi mo3’iru   © 2006 kolkhoba.org