GİNON MAQOROPİ GİNON VAR
Kçumert’i do uk’oro3xu çalamure
Skani şeni dobğapt’i p’ant’a man
Ağanoba t’k’obaşa go3’omamt’eren
A3’i ginon komoxti do ginon var
Megabirt’i z’i3initen memskvaneri
Skani qoropaş daçxiris viç’vi man
Çkva var mepşven ma ndğalepes z’i3ineri
A3’i ginon miz’i3i do ginon var
Ma ağne ndğa gevoç’k’apt’i imediten
N3a vabz’irop ordo domilumcu man
Qoropasti konanciru 3’anapeten
A3’i ginon moqoropi ginon var
| 