LAZONAŞİ BERE BORT'İT Lazonaşi bere bort’it, bibirt’it, Livadepes parpali na-pç’opumt’it, Pagarapes gecgina na-bikomt’it, Lazonaşi bere bort’it, bibirt’it… Nana-çkunik t’ik’inaten gomiğes. Çku, muperepeten mordes! Ar ndğa diyu derdi var maves. Lazonaşi bere bort’it, bibirt’it… Bere bort’it, didilepe pşinumt’it, P’ap’u-çkunişi nenaten birdit. Mtel Lazuri nenaten na-bisinapit, Lazonaşi bere bort’it, bibirt’it… Handğalepes nena-çkuni goyç’k’ondinen, Na-bibirt’it gzalepes, çkar var ixtimen, Mcveşi ndğalepe var iz’iren, Lazonaşi bere bort’it, bibirt’it… Nena-çkimi memiucit, dalepe, cumalepe. Bere-tkvanis nusinapit hantepe. Lazuri nenaten ordit, guri k’aite, Lazonaşi bere bort’it, bibirt’it…   © 2009 kolkhoba.org