KORT'AŞA Gza-çkuni otanuşa, Murun3xepe kort’aşa, Ham mebaz’gu xaişa, Mtel k’aiten pskidatşa… Oroperi gurite, Gok’un3xeri nosite, Menceloni şurite, Bigzalaten k’aişa… Gza varen goçvaluşa, M3udi do m3udelaşa, Çku pçxiraten irişa, Mtel mtinepe ognanşa… K’ap’et’i dodgintue, Xepe ok’ok’limute, Ugenkalu k’uçxete, Bigzalaten mtinişa… Gza ulun-na mendraşa, Ugoxtimu ar svaşa, Çku bulurt içodaşa, K’uçxes menceli rt’aşa… Skidalaş gonç’elute, Oropaş ozmonute, Ar bazi moşvacute, Bigzalaten medişa…   © 2009 kolkhoba.org