FADUME

Fadume mu golulur
Muç’o paluri steri
Dolixvasen gzalepe
Hak’u guri molveri.

Mu gağodu si andğa
Toli giprandun mutxa
Guri gipatxalamsu
Xelate kexti n3aşa.

Fadume ç’imoşeri
Muç’o omp’ila steri
Guri dolongoneri
Gulun gurgula steri.

Mi axenenu haşo
İk’an3’us skani steri
Na munyams steri golva
Skudumsu mapa steri.

Fadume ar oxorza
Mvangona doba steri
Doliyoxas mç’ipeşa
Tenora mjora steri.

Fadume var axenen
Gurişeri şkideri
Empasi megaç’apxen
Korasi k’at’u steri.

Toli mom3’upineri
Guri makvali steri
Dardalams şkurineri
Az’irana ar mt’veri.

Fadume purki oren
Dadala muç’o peri
Guri kuğun men3’eri
Gulunu oroperi.

Fadume Lazepuna
Soti golaxtare xen
Xarayere ceç’veri
Mtel bozope him oren.

Fadume 3’ulu bozo
Dida Fadumeti kon
P’alik’ari steri var
Kva steri oxorza on.

 
© 2009 kolkhoba.org