ZUĞAUÇA Zuğauça Mu mionur Şuri mozderi t’oba Toli dolomo3’edi Memisinapi m3ika. Minevelurepeşi Mu orapeşi ndğaşi Guri na dolomixen Şurimşine Lazonaşi… Zuğauça si 3’oxloni Timekçineri dida, So malenu skanda gale, Mi babgara Mişa bida… Mo ceğobum Guri do şuri skani! Mupe meşk’egiz’un Eşk’ampayi zmonişa Keşk’iği Nena skani M3ika memisinapi. Kodomdvi hust’eraşa Muç’o xark’i do O3xe. Mu goğodes didepe şkimi 3’oxle? Va cegonç’itxa do Megoadare Aşkva. Haşo na momordişi Va meokçare. Domisinapi xvala Kocelemisvi xe do Aşkva ar Domop’lani… Zuğauça Zuğauça Si va giğun Guri uça! Kelegixedi haşo Megozit’amu gurişa. Mu oraşi na gaxve3’er Şkimebura: Mo doliğamu Lazona!   © 2009 kolkhoba.org