N3AŞİ SKİRİ

Kart’al skani murun3xi
N3aşi skiri
Na ç’arum çona steri
Mitanam mjora steri.

Ham yoxo sole z’iri
N3aşi skiri
Taneri gomskvaneri
Gurişa eşkağeri.

Lazur yoxo cedveri
N3aşi skiri
Ma tol kodomosk’udu
Ese kori skuduri?

Si muperepe gişkun
N3aşi skiri
Ma nena omak’oru
Nciriş gomok’u3xini.

Lazur elankaleri
N3aşi skiri
U3are kodomit’es
Mç’arat do ceboktinat.

Ham oropate biç’vat
N3aşi skiri
Lazur meoroperi
Naşkvi ar m3ika m3’orat.

Ar skidala mu oron
N3aşi skiri
Lazur meşk’axuneri
Şilya 3’anape bskudat.

 
© 2009 kolkhoba.org