TUTASTE N3ana, purki k’inçina Mania mu k’ağana Da şkimi diyu nana Ke3’ikaçu tutana. Arsima mjora tuta Misinapare 3’ana Gaz’ini Tanurana İrden Lazuri nena! Vi3’ vi3’i 3’ulu k’inçi Mişi monta re mişi? Moni bozo incisi? Mişvacas nana muşi. Var ibgasu k’ağanams Bozope xela moyp’ams Oxor tkvani otanams Ar do3’ulva bozona. Arsima 3’ulu 3’ulu Nanaş buz’i go3ulu Okroş çilambri nulu Dadi skan guri lulu. Ç’umanşa dirdaseren Apçora mirdaseren Birapa şkun opşa on İrdas diguraseren. Pisi pisi k’at’una Ya so giğun tatina Konamxvi ehe nana Tutaste n3aşi çona! 3’ulu bozo incisi 3’iprineri ibgasi Ma e3’egikaçare Nana skan mvangocasi. Dinciri 3’ulu bozo Gink’ana mani mani Zade mondo dincira K’u3xi iyi amani! Bedia nç’ara si inciri İnciri ncirite mirdi Mjoraşi mjate mirdi N3aşe extare irdi!   © 2009 kolkhoba.org