XOPURİ BOZO Nunk’u tuta ren, tomape sari, Guri çiçku ren, k’aişen k’ai, Ma emuşeni destani p’ç’ari, Paluri steri Xopuri bozo. K’ata ndğa nit’u Xopa noğaşa, Mati bz’ira yado vikti t’k’obaşa, Mara var mulun am qoropaşa, Gurişi gverdi Xopuri bozo. Pukiri steri k’omp’uri bozo, Loqa nenoni topuri bozo, Guri muşi xçe, tolepe moni, Muru3xi steri Xopuri bozo. Muç’o p’a a3’i vore gemzuli, Arçkva yemixtu guris pupuli, Am ç’vini muç’o tiras burgili, Ar memişveli Xopuri bozo. Noğas 3’ipxeri, qonas ar mskveri, P’ant’a gulurt’u mskva mo3’ipxeri, Mskvaloba muşi muç’o daçxiri, Domç’u domxalu Xopuri bozo. Mbulora 2007   © 2009 kolkhoba.org