VAR MEVAGNİ MA Sevdalobaş mk’olope muç’o pşva Tolepe miğun çelamureten yopşa Ordo moxtu p’at’i ndğalepeş şura Anderi dopskidii, var mevagni ma. Guris gyuli vordapt’i a3’i disağu Çkimi yara var do skani dik’aru Sevdaş porça yep’ç’opi eti dixaru Bedigoç’ver vorei, var mevagni ma. Ar guri komiğun gamaxareli Uskaneli dopskidi ugyareli Si osimaduten govulu ğureli Saği var vorei, var mevagni ma. Var miçkin p’ia xolo mqoropi Em mcveşuri ndğalepe a3’i gorupi Si gicoxana siti ma micoxopi Qoropa mu ren, var mevagni ma. Skanden met’a miti zate var pşini Si var t’işi am dunya çkamu t’u mtini Sevdaloba t’u3a ren siti re qini Çare var miğuni, var mevagni ma. Qoropaşi gza çkar va ren duzi Yamas muç’o gopta ma skanisuzi Trangik nosi var momçaps ar k’izi Videlaminon mu ren, var mevagni ma. Ena momçi derdepe kelavisvari Ti çkimis noksani ren ar pi3ari Gondineri ndğalepes var voxosari Muç’o mik’ilu ora, var mevagni ma. Guri çkimiş doloxe a3’i daz’i ren Skani steri mititi var maz’iren Ti çkimişi igbalişa razi ren Memaxondinaseni var mevagni ma.   © 2009 kolkhoba.org