ŞURİMŞİNE NANA

Şuri nana, guri nana,
Ma var viqver si var t’a na,
T’u3a ubas men3axeri,
Ma var virder mja var mça na.

Skani loqa notkvaleri,
Şurimşine var pşina na,
Guri miğun patkaleri,
A3’i uskaneli xvala.

On3’elite tuta garde,
Mjora steri megatana,
Em dunyasti skani viqver,
Ma am dunyas memaşkva na.

P’ia miti go3’valeni,
Skani qoropas do mskvanas,
Ğormotişen gexvameri,
Ar teri re çkimi nana.

 
© 2006 kolkhoba.org