T'RAP'İZONİŞİ İMP'ERİA Var vort’i-na Ağa-Maxmadxaniş omis, Erek’leşa vara memaçu gelamşvelu, Gonçxvareli Lazist’anis varti vort’i Vort’itina, pu amk’ata oqopinus. Dğa içoden mutu va ren uçodinu, İmcvelen do ağanişen xolo iulun, Bulutepek 3a - morgvali dom3’k’upinu, Hama mjora xolo iulun, xolo giulun. Damarepes na gomixteps mcveşi di3xiri. Na unt’as na emk’ata ren kvati do3’k’ips, Dobadonas miti reni komiz’iri, Muşisteri morgvali do ginz’e p’o3’k’i, Ehei Tamar, mixat’iri ocoxinu, Gomcveleri prangulepe gomon3’k’api, Arçkva xolo moşignapi docoxinu, Mu didi ren T’rap’izoni, domotkvapi. Mara a3’i ora kteri eşo ren ki Mzoğa dordaps, çelamura ek’o mepxvi. Dgin Gonias Apsarişi cixa-k’on3xi, Ğormotişen xvameri do mjoras ç’veri, İst’oriaş tariğepe dobk’oro3xi, Emuşeni guri miğun elaç’veri Mara a3’i ora kteri ek’o, ren ki Mzoğa dordaps çelamure ek’o mepxvi.   © 2006 kolkhoba.org