MOKVİ Mikuminu çkimi mokvi, Varçxil oxol miare… Vamargensu mutun tok’i, K’almaxaşi bina re. Arti apu ç’vima, k’oxi, Adre anadgina re… Mele-mole upin noxi, Jini ortaş nina re. Gapupuna, cala-çkoni K’irdedusu minare, Mesopunsu skvamas orki, Ndğulapiri k’ina re. Moç’itare muşi rok’i Ç’ilouşi ç’ila re, T’arozemsu 3aşi k’onk’i Çxoriatu ginare. Mixarçalu kua-mokirs, Uça zğvaşi k’ilare, Dia3’qarsu mokviş k’onki Sizmar3alo dilare. Guri-muzma 3’qan3’qil mapu, Ç’vima re do golopa… Midga-midga gilerkapu, Vama3ales q’oropa. 3’qarp’is peşer domirçapu, Ba3’ar gobz’u çxoropa, Guri brelşa çartil mapu, Şuri ok’nak’oroba. 3as munapu muşe gabu, Eşmak’epiş ç’qolopa Brelsu irpel arti apu, Ç’oropa do golopa.   © 2006 kolkhoba.org