ANA SACİXE

Ada maria, dada maria,
Si domtxile do si debaria
Çkimi mota do badişi nardia
Taş ixvamandu ana sacixe.

Ada maria, dada maria,
Si gem3’onia 3oda do mardia,
3oda çkimo do nardis momdaria
Taş ixvamandu sacixe maxvameri.

Ada maria, dada maria,
K’idirs gipinunia ia do vardia
Si koiçkunia nanaiaş dardia
Taş ixvamandu sacaia dadi.

Santels garenia çilamuria,
Uğuşa gemirtunia xacaluria,
Skanda muk’omç’opunia ğurel guria
Taş ixvamandu sacixe gangarebuli.

Ada maria, dada maria,
Daçxiro gumorzunia zisxirel osaria,
Çkim skuaş noşirien do skanişi, varia,
Jirxoloşiavo, didakirse! -dadik.

 
© 2006 kolkhoba.org