SAXİOLO

Amdğa ç’vens do geserel re, mara
Saxiolo kum3’uz’axe ok’o,
Xirok’ua q’ope çkimi ç’ara,
Nasvartasu xok’os minobz’ xok’o.
Mu psualep enoxe te du3u,
Uz’irap re purinua çkimi,
So vareno jin3as jin3a muz’u,
Şkabania gur3u kenvocini,
Sisupte re tek tolseri skvami,
Tek irpeli artians mobirz’ğu,
Gaxangebul vucinek do vamiçk
Tesxi muri3x şurs muk enmok’ir3xu.
Çkim cimalep tak xena do şuna,
Gok’ona da dobk’oro3xunk arz’as,
Homerosik q’va emipşu cunat,
Mu ç’uak re an3’i ek’ob3’ar3’as?!
Skan golvapro, servant’esi, qilo,
Çkim rustveli, goete do vaja,
K’olxidaşe murku gurint’k’ilo,
Çkimi, dant’e, kimşamrinet şkaşa!
Komxut’olet, kimşamrinet şkaşa,
3’k’varameli borcepişe mourk,
Vabşkurnebu mex do munapaşa,
Noq’elepi domğulozu zğourk.
Kimşamrinet, ke3’ma q’unit 3’imi,
Dixas mitin vep’alu çkim mangi,
Psua gomn3’qi do 3as kimk’ib3’imind,
Lersi si re dobç’v do gamaxangi.
Amdğa ç’vens do geseril re, mara
Nt’eriş cinşe kimvobira zoxo,
Xirok’ua q’ope çkimi ç’ara,
Saxel xolo uşkurnapu bcoxo!

 
© 2006 kolkhoba.org