NANAİA

Nanaia, şxva vord iro,
Te gur q’ope skani ç’iro,
Çkimda mitins vagagebu,
Skan met’isu, golvapiro.
Skan sismarep mopuns q’uçe,
Ğoront vorek guri kuçe,
Vagmak’ur3xin, mara kibgin,
Norçal muç’o elamk’uç’e.
Erçkinaşe xanga vordi,
So vebdi do so vavordi,
Skvam 3irepsu kek’vodini,
Çkimi rina şkaşa goprti.
Udğanuna, nan, çkimcgureps,
Mocgirepku mimendures,
Mara lersepk amakekes
Do ji do ji midamt’qures.
Vare havaş piçu-paçu,
Şurk ti3alo gumapaçu,
K’oçiş tolit uz’irapu
Oroepi gimakvaçu.
Vemgmartine an3’i gime,
Jin3aş kvinci ok’o bzime,
K’oçiş q’ucit urçkilapu
Xonarepi elmasime.
Keşilebe daçxirk dirk’as,
Daçxir muşo ok’o nirgas,
Ma şilebe gegnobt’orxe,
Mara gurk dğas vamodirk’as.
Skan zisxirk re gamaq’alu,
Skan maskvama mi map’alu,
Ğorontişi noq’elaşe,
Turme Ğoronts gelampalu.

 
© 2006 kolkhoba.org