გალენიში უჩა ზღვასუ ამუსერი მურიცხეფი ქინოცენს ქიგვაყ’უნუქ საროტემს, თუთა მართუშ ნამოსერს. ზღვაში მაფა გონირსელი უფაჩუანს მუარემს, მირე ალმოფურცქინანს, სოფელიში მუორეს?.. აქ მუთუნსუ ეკვაჭუქდა, ვარჩხილჯგუა სქუალემს, ჩილამურით გომბანუნა ბრელშა ტახილ ფსუალემს. ასე ვარა მუნულუანქ, ორუმეს დო ორომეს, მუაჩქიმით ქიგლაბაჯგანს თუთაშ ქართა-დოხორეს. ბინეხისუ ქუდვოყ’აშა, ეშე გეშვაყ’უნუქუ, ცასუთ ქიგიბჯინექუ დო ნერჩის ვედვეთხიებუქ. თუთაშ იშო გიბგორუა ჯვეშეფიში ხონარემს, კათაფილი იყ’უაფუ ჟინი ცაში ბორიემს. მურიცხემსუ ქუსინთუა ნასერუა წკვარამებს, თუთაშ ფერსუ ქუხოლუა ნაჩერუა ლაწკარემს. ბინეხისუ ქუდვოყ’აშა, ეშე გეშვაყ’უნუქუ, ცასუთ ქიგიბჯინექუ დო ნერჩის ვედვეთხიებუქ.   © 2006 კოლხობა.ორგ