მოქვი მიქუმინუ ჩქიმი მოქვი, ვარჩხილ ოხოლ მიარე… ვამარგენსუ მუთუნ თოკი, კალმახაში ბინა რე. ართი აფუ ჭვიმა, კოხი, ადრე ანადგინა რე… მელე-მოლე უფინ ნოხი, ჟინი ორთაშ ნინა რე. გაფუფუნა, ჯალა-ჩქონი კირდედუსუ მინარე, მესოფუნსუ სქვამას ორქი, ნდღულაფირი კინა რე. მოჭითარე მუში როკი ჭილოუში ჭილა რე, ტაროზემსუ ცაში კონკი ჩხორიათუ გინარე. მიხარჩალუ ქუა-მოქირს, უჩა ზღვაში კილარე, დიაწყარსუ მოქვიშ კონქი სიზმარცალო დილარე. გური-მუზმა წყანწყილ მაფუ, ჭვიმა რე დო გოლოფა… მიდგა-მიდგა გილერქაფუ, ვამაცალეს ყ’ოროფა. წყარპის ფეშერ დომირჩაფუ, ბაწარ გობძუ ჩხოროფა, გური ბრელშა ჩართილ მაფუ, შური ოკნაკორობა. ცას მუნაფუ მუშე გაბუ, ეშმაკეფიშ ჭყოლოფა ბრელსუ ირფელ ართი აფუ, ჭოროფა დო გოლოფა.   © 2006 კოლხობა.ორგ