მაფშალია

ჩქიმ ქიანაში მაფშალია,
შხვაშ ქიანაშა ვაფურინა,
გოლუაფირო, უსქანეთუ
მეწკურილი მაფუ რინა.

სქან ოგვაჯეშ ხეშქაგური,
ჩილამურით მაფუ ეფშა,
სქანი ართი ბირაშენი
თე შურს ხოლო ღურუს მეფჩა.

საქორთუოშ ჩე ქიცა რე
თე გოთანა ხვარჩალია,
შხვაშ ქიანაშა ვაფურინა,
ჩქიმ ქიანაში მაფშალია!

გონწყი ფსუა დო კისერი
თუთაშფერი ქუმოძირი,
არძა ჩქიმდა, არძა ჩქიმდა,
სქან ჭუა დო სქანი ჭირი!

უღურჭულე წკონდა ღალეფს,
წვირალ თხუმს დო მაბჟალიას,
შხვაშ ქიანაშა ვაფურინა,
ჩქიმ ქიანაში მაფშალია!

 
© 2006 კოლხობა.ორგ