სახიოლო ამდღა ჭვენს დო გესერელ რე, მარა სახიოლო ქუმწუძახე ოკო, ხიროკუა ყ’ოფე ჩქიმი ჭარა, ნასვართასუ ხოკოს მინობძ ხოკო. მუ ფსუალეფ ენოხე თე დუცუ, უძირაფ რე ფურინუა ჩქიმი, სო ვარენო ჟინცას ჟინცა მუძუ, შქაბანია გურცუ ქენვოჯინი, სისუფთე რე თექ თოლსერი სქვამი, თექ ირფელი ართიანს მობირძღუ, გახანგებულ ვუჯინექ დო ვამიჩქ თესხი მურიცხ შურს მუქ ენმოკირცხუ. ჩქიმ ჯიმალეფ თაქ ხენა დო შუნა, გოკონა და დობკოროცხუნქ არძას, ჰომეროსიქ ყ’ვა ემიფშუ ჯუნათ, მუ ჭუაქ რე ანწი ეკობწარწას?! სქან გოლვაფრო, სერვანტესი, ყილო, ჩქიმ რუსთველი, გოეთე დო ვაჟა, კოლხიდაშე მურქუ გურინტკილო, ჩქიმი, დანტე, ქიმშამრინეთ შქაშა! ქომხუტოლეთ, ქიმშამრინეთ შქაშა, წკვარამელი ბორჯეფიშე მოურქ, ვაბშქურნებუ მეხ დო მუნაფაშა, ნოყ’ელეფი დომღულოზუ ზღოურქ. ქიმშამრინეთ, ქეწმა ყ’უნით წიმი, დიხას მითინ ვეპალუ ჩქიმ მანგი, ფსუა გომნწყი დო ცას ქიმკიბწიმინდ, ლერსი სი რე დობჭვ დო გამახანგი. ამდღა ჭვენს დო გესერილ რე, მარა ნტერიშ ჯინშე ქიმვობირა ზოხო, ხიროკუა ყ’ოფე ჩქიმი ჭარა, სახელ ხოლო უშქურნაფუ ბჯოხო!   © 2006 კოლხობა.ორგ