გეფრჩქინექ უჩხონჩხე

გატყარებე ჩქიმი ყ’უდე,
იბჭირიას გოუფალუ,
ლაკაციაშ ნოყ’ელეფი,
ჟინ-ბორიას დოურქალუ.

კაკლარიში კიბირეფი,
ღანდას მითოვარკალანს,
ხუმლა-ხუმლა ნოყ’ელეფს
კოპა მიკოხარკალანს.

სო რე ფურკი გიროხილი,
მინდორს ნოხო დორჩაფილი,
კარ თოლსერო ღირწკინუნსუ,
ყ’უჯიშ ჯინჯშა გონჯამილი.

ვამაპალუ შურო გური,
გურ ეფშა რე ღალეფით,
გილეცხვაბარ დიაჩქიმი,
მოპურახილ ვალეფით.

ფუჰ, უჩხონჩხე გეფრჩქინექ,
ზისხირი სო რე ჯვეშეფიში,
თურმე თუდო მინოპვექ,
მა მიჩქუდუ ეშე მიფში.

დოცუმილ რე ფურცელეფი,
ითამ დემეფს გოუხვალუ,
გატყარებე ჩქიმი ყ’უდე,
ინჭირიას გოუფალუ.

 
© 2006 კოლხობა.ორგ