![]() |
|
|
შურიშლაფა
სქან სისმარეფსუ გილუღუქ, ნანა,
უჩათ გონწერილ მარცხას ფშუქ მა სი,
მორო ქეკვუალი ირნერი ჭყანა,
უქვინჯე ცას დო ღვინიშ შუმასი.
ნანა, ქონებამ ცირა მოძირეს,
თიშმაჯანგარა-ინგირს ვარჩხუნი,
ნანა, ქომიწი, მუ ბჟა მოწინე,
შური ოშნერო მიკმაკვარჩხუნი?!
მუშენ ვემნტირექ შუბარზამ ხორცის,
ღვინშე ჩქიმცალო ბრელი დინაფე,
მუმაშ საფლე ევრე ქოგ წონწის,
ავრე აფთიაქი გოწკვირინაფე.
ყ’ათე კვარჩხ რინას მუს ევალექუ,
თიცალ ლანდღვე დო თიცალ ტომბა რე,
დიო გობძვალეს მორიალებფქუ,
უკულ ქომრთინუ ქიანაქ ოფარე.
სქან სისმარეფსუ გილუღუქ, ნანა,
მაფაშე ჭყელი, ზღვაზღვილ-შოლირი,
ჟინცას ზისხირელ თოლით ნარჩქვანა
ვოძუქ ლურიშე გიშათოლირი.
ვუჯინექ მინშა პოპორელ ინგირს,
მუჟამს სოვრეთინ ვეპალუ მორსხა,
მუჟამს შურ ყ’ურანს დო ართო ინკირს,
მუჟამს კუჩხეფსუ ეთმორღვუ მორცხვა.
სქან სისმარეფსუ გილუღუქ, ნანა,
უჩათ გონწერილ მარცხას ფშუქ მა სი,
მორო ქეკუალი ირნერი ჭყანა,
უქვინჯე ცას დო ღვინიშ შუმასი.
|
|
© 2006 კოლხობა.ორგ
| |
![]() |