ნერჩი ჩვარჩვალერ ტყაცალო ყ’ოთანს, ძეკვენეფ ნახუა ოდაში, მიდეღეს კვიკვალი ოდა, ქიყ’უნეს სისმარეფ ცოდაში. გილაშუნდ უდუდე მუმა, დოღურ დო ქიდიტუ ვალი, ბორიას აბარჭყუ ხუმა, მიოგდას ჩხოროფა ჭვალი. ჭვემასუ ეთურე ნოსა, გონწერე ყ’ოროფათ მერკე, მუნარე ბორჯეფი ქორსა, იხირგინ ვედრასუ ხერკე. ჯარგვალსუ მილენგარს ცირა, შქირენს დო ვეპალუ მინჯე, ჩხვიჩხვშორო იკვანწალ ჩილა, შოფერსუ უძახნა: - ქინჭე! დოხუეს, მიდეღეს ყ’უდე, ვედიტეს ბონი დო ღულა, მაჭირხოლს ვაპალუ ბუდე, ვეშმოურს ოფურკეს ნპულა. ბაღანეფს გეკორდუნს ნანა, გეირზამუ ქიანა ყ’ვერე. ომბოლშათ ქუმოურს ჩხანა, ქიანეფი დიდათუ გერე!   © 2006 კოლხობა.ორგ