ორთაში ზარალი მუ გოჭირ მარგალი, სი გუგულიშ მარქვალი, დუდიშ მაღორებელი მიწკმა რექ მართალი. გამგონებ ზოთონც, დღალეფი უსხებ მარტის, მი მეჩანც მარდის, შხვაშ ოგვაჯეს ნარდის. ირფელც მუში ოჩი გეძი’, ირფელი მუშის გაფულენც, ბორჯიშ ელასირელ ხამ, იმენდეფც ცაფულანც. წყარეფ ვეგიხუნუანც ხვამარდეფიშ ნაულას, კოჩიშ თოლი ვაძირი’ნც ღორონთიშ ნაფულას. დოთი’ნც დო დოჭვენცი’ნი, ცა გოსარკი’ნც მუნაფილი დო ბჟაცალო გამწოდირთ შურ, ყ’ოროფათ ფუნაფილი. კინე დირთუ აფუნი დო გეითოფალუნც ხუმაფილი… სი ღორონთიშ ნაჭყოლოფა შხვაშა გაფ თხუაფილი. მუ ოკოდ სქან მარქვალც ტურტურუაში ოგვაჯეს, ინეფქ შხვადო მირდესი’ დო ფსუა შხვადო გოფაჩეს. აკა, აშო მიკირთი დო გონწყი გური, წყუნაფილი, ცოდა იზმა მონკა ვარე ჩილამურით რტუაფილი. ნარღეფქ გურც დიხვილი’და ნტერიში ჯინშენი იბირით დო სი ხოლო ონირზი’დი ათე რინას, კიდირით. უკულ ოჭიშ ქურთინე დო ვამიჩქ, მი მუს თქუანცი’ნი, მუშ მაქექა ყ’ოფე შარა მასქური გიჯიკუანცი’ნი.   © 2006 კოლხობა.ორგ